Det er med stor entusiasme og glede at Ål vgs kan melde at me er 1 av 13 skuler i Viken fylkeskommune som skal få prøve ut ei ordning med gratis skulemåltid til alle elevane. Ordninga er ein pilot (prøveprosjekt) og skal i fyrste omgang gå fram til 31.12.2021. Me skal bruke januar til å planlegge og så håper me å kome i gang med serveringa i februar – dersom pandemien spelar på lag med oss. I planlegginga vil både elevar, lærarar og leiarar vere med. Dette blir både spennande og bra!

Regjeringa kom i går ettermiddag med ei presisering for det nasjonale tiltaket med raudt nivå for alle vidaregåande skuler. Tiltaket varer i fyrste omgang fram til og med tysdag 19. januar. Måndag 18. januar blir det tatt ny beslutning om det blir vidareført ytterlegare eller ikkje.

No er planane klare for når elevane skal ha undervisning på skulen og heime, i dei to komande vekene med skuledrift  på raudt nivå.

Sjå vedlagt oversikt over veke 1 (DOCX, 42 kB) og veke 2 (DOCX, 43 kB) 2021, eller på Teams (teamet "Elever VGAAL").  Les dette nøye for å få informasjon om når det er undervisning på skulen og når det er digital heimeundervisning for den einskilde klasse.

I tillegg minner me på fylgjande når det gjeld smittevern:

• Hald ALLTID avstand til andre!
• Ha ALLTID med munnbind; det er PÅBOD på bussen og på skulen når du ikkje kan halde minst 1 meter avstand.
• Vask hendene nøye når du kjem til skulen.
• Hald deg på di eigen sone/klasserom og bruk toalett og inngang som læraren informerer om.
• Det er ikkje lov å besøke andre elevar sine soner.
• Kantina er stengd i 2 veker.
• Vær heime dersom du har symptom på sjukdom.

Terskelen for å ta kontakt er låg ved Ål vgs - spør dersom det er noko som er uklart!

Me gler oss til å sjå dykk att!

På grunn av dei nye nasjonale innstrammingane i 2 veker, blir det ein kombinasjon av undervisning på skulen og digitalt heime i denne perioda. Det kjem konkrete planar for alle klassane i morgo, måndag 4. januar, om når de skal vere på skulen og ikkje. Fylg med på Fb og heimesida til skulen. TA VARE, hugs avstand og bruk munnbind når du ikkje kan halde 1 meter til andre!

Pga uoversiktleg smittesituasjon i Hallingdal blir både Ål og Gol vgs stengt for elevar dei 2 siste skuledagane før jul. Det blir difor digital heimeundervisning desse 2 dagane.

Det er fleire spørsmål vedr. undervisning på skulen eller digital heimeskule fram til jul. 

Du finn meir informasjon frå Viken fylkeskommune om dette her

Alle koronasvara er negative! Det betyr at alle som ikkje har vore til testing kan leve normalt "koronaliv" igjen. Nærkontaktane som har vore til testing må rekne karantene i 10 døgn frå siste kontakt med den smitta.  For klassane TPA og TPB gjeld karantene til og med måndag 14.12., og desse elevane får digital heimeundervisning også denne dagen.